У БДУ назвалі пераможцаў конкурсу эсэ «Пуцявінамі беларускага пісьменства»

Мерапрыемства было прымеркавана да Года гістарычнай памяці і накіравана на далучэнне моладзі да гісторыка-культурных каштоўнасцей Беларусі, папулярызацыю і пашырэнне сферы выкарыстання беларускай мовы, прафесійнае самавызначэнне і развіццё творчых здольнасцей вучняў. 

Усяго было ацэнена каля 400 літаратурных работ беларускіх школьнікаў. Арганізатарамі мерапрыемства выступілі філалагічны факультэт БДУ і часопіс «Роднае слова». Па выніках творчай акцыі былі адзначаны 43 работы вучняў 10-11 класаў з усіх рэгіёнаў Беларусі.

Узнагароджанне пераможцаў адбылося на філалагічным факультэце БДУ. Канкурсантаў павіншавалі старшыня Саюза беларускіх пісьменнікаў Аляксандр Карлюкевіч, дырэктар выдавецтва «Мастацкая літаратура» Алесь Бадак, дырэктар па інфармацыйных рэсурсах і абслугоўванні карыстальнікаў Нацыянальнай бібліятэкі Беларусі Віктар Пшыбытка, загадчык філіяла «Літаратурны музей Максіма Багдановіча» Дзяржаўнага музея гісторыі беларускай літаратуры Міхаіл Бараноўскі, галоўны рэдактар часопіса «Роднае слова» Наталля Шапран і дэкан філалагічнага факультэта Сяргей Важнік.

(па матэрыялах газеты “ЗВЯЗДА” https://zviazda.by/be/news/20220416/1650111868-u-bdu-nazvali-peramozhcau-konkursu-ese-pucyavinami-belaruskaga-pismenstva )

Вельмі прыемна адзначыць тое, што сярод пераможцаў гэтага конкурсу есць і вучаніца Х класа нашай установы ЧЫРВА ВАЛЕРЫЯ! ВІНШУЕМ ВАЛЕРЫЮ І ЯЕ КІРАЎНІКА НАСТАЎНІКА БЕЛАРУСКАЙ МОВЫ І ЛІТАРАТУРЫ ЛАРЧАНКА ГАЛІНУ ЧАСЛАВАЎНУ З УЗНАГАРОДАЙ! ЖАДАЕМ ІМ ТВОРЧЫХ ПОСПЕХАЎ!