21.02.2024
Дзень роднай мовы ў школе
21 лютага ў школе быў аб'яўлены Днём беларускай мовы. Ён праходзіў пад дэвізам:«Рускай мове дай разгрузку-размаўляй па-беларуску!». Праграма Дня роднай мовы была насычанай. Для вучняў пачатковых класаў быў арганізаваны творчы конкурс «Малюю роднае слова!». А вучні 5-11 класаў прымалі ўдзел у конкурсе калажаў або воблакаў слоў на тэму «Мова родная мая!». Акрамя гэтага,усе вучні маглі паўдзельнічаць у слоўным квесце «Знайдзі і патлумач». Па школе былі схаваныя карткі з беларускімі словамі. Удзельнікі квесту павінны былі за дзень знайсці іх, запісаць і патлумачыць сэнс. Хто знойдзе і патлумачыць усе схаваныя словы, той і пераможца! А яшчэ ўсе вучні і дарослыя маглі прыняць ўдзел у паэтычным чэленджы "Мае любімыя радкі на беларускай мове" і прадэкламаваць некалькі радкоў свайго любімага беларускага верша. А таксама для ўсіх вучняў на другім паверсе школы былі арганізаваны беларускія музычныя перапынкі, дзе можна было патанчыць беларускія танцы або паслухаць песні беларускіх спевакоў і груп. Дзень мовы прайшоў ярка і весела. Яго вынікі будуць падведзены ў панядзелак на лінейцы.
Відэа паэтычнага челенджа па спасылцы
https://vk.com/opsa_v_subbotu?w=wall-27776062_2596%2Fall&z=video-27776062_456239103%2Fe2f31e9682a2729c19%2Fpl_post_-27776062_2596