13.05.2020
Аб чым бы я спытаў у ветэрана?
Да 75-годдзя Вялікай Перамогі у 5 класе прайшло мерапрыемства ў межах энкаунтэра “Браслаўшына літарартурная” – “Аб чым бы я спытаў у ветэрана?”
Класны кіраўнік Крупко Аляксандра Чаславаўна пазнаёміла выхаванцаў з успамінамі былой партызанкі, імя якой носіць піянерскі атрад 5 класа – Раісы Аляксееўны Шыкалавай.
Цікава тое, што ўспаміны гэтыя прысвечаны вучням установы адукацыі. Раіса Аляксееўна пісала іх для таго, каб памяць аб тых страшных і гераічных падзеях навечна захавалася ў дзіцячых і юнацкіх сэрцах. З цікавасцю пяцікласнікі слухалі пра баявыя дзянні партызанскай брыгады “Спартак”, атрада “Няўлоўныя”. Даведаліся , што ў партызанах была ўся сям’я Раісы Аляксееўны.
Кожны з вучняў пагартаў старонкі звычайнага вучнёскага сшытка, спісанага буйным почыркам, тым самым як бы ўласна дакрануўшыся да гераічнага мінулага свайго края…
Запалілі агонь свечкі і пастаялі ў мінуце маўчання…
А пасля агучылі тыя пытанні, на якія хацелі б пачуць адказ ад самой Раісы Аляксееўны Шыкалавай. Ад самага простага “Ці было Вам страшна?” да больш складанага “Хто кіраваў партызанскімі атрадамі, у якіх змагалася з фашыстамі ветэран?”
Напрыканцы гадзіны кожны вучань атымаў заданне: на рознакаляровым сцікеру запісаць слова, якое ў іх асацыіруецца са словам “перамога”. Пасля вучні з гэтых слоў склалі юбілейны лік – 75.
Класны кіраўнік Крупко А.Ч. адзначыла:”Такія мерапрыемствы знаёмяць вучняў не толькі з гераічным мінулым нашай краіны, але і дапамагаюць выхоўваць сапраўдных грамадзян, якім у недалёкай будучыні давядзецца будаваць не толькі ўласнае жыццё, але і жыццё усёй дзяржавы.